ملتان (کامرس ڈیسک)ملک میں بجلی مہنگی ہونے کے بعد سولر پلیٹس سمیت الیکٹرانکسں اشیا کی قیمتیں بھی بڑھ گئی ہیں۔
”پاکستان ٹائم ”کے مطابق بجلی کی قیمتوں میں 7 روپے 5 پیسے فی یونٹ اضافے کے بعد سولر پلیٹس کی قیمتوں میں بھی 20 فیصد اضافہ کر دیا گیا ہے۔اس حوالے سے صدر انجمن تاجران ملتان شیخ اکرم حکیم کا کہنا ہے کہ بجلی کے ریٹ بڑھنے سے سولر اور الیکٹرانکسں کے دیگر سامان کی قیمتیں بڑھ رہی ہے۔دوسری جانب شہریوں نے مطالبہ کیا ہے کہ بجلی سے چلنے والی اشیا کی قیمتوں میں کمی لائی جائے تاکہ انکی مشکلات کم ہو سکیں۔یاد رہے ملک میں گرمیاں شروع ہونے کے قریب ہیں ایسے میں سولر پینلز کی مانگ بڑھ رہی ہے ۔
