اسلام آباد(وقائع نگار خصوصی)پاکستان تحریک انصاف کے رہنما سبطین خان کو سپیکر پنجاب اسمبلی بنانے کا فیصلہ کرلیا گیا ،اس سے قبل پرویزالہٰی سپیکر پنجاب اسمبلی تھے۔
تفصیلات کے مطابق تحریک انصاف کے رہنما سبطین خان کو سپیکر بنانے کا فیصلہ کرلیا، فیصلہ عمران خان اور پرویزالہٰی کی ملاقات میں ہوا۔ملاقات میں عمران خان نے پرویزالٰہی کو وزارتِ اعلیٰ کا منصب سنبھالنے پر مبارکباد دی ، جس پر چودھری پرویزالٰہی نے عمران خان کے اعتماد کے اظہار کا شکریہ ادا کیا۔ملاقات میں ملکی موجودہ سیاسی صورتحال پر تفصیلی گفتگو کی گئی اور پنجاب میں پی ٹی ائی رہنماوں کے خلاف بلاجواز مقدمات درج کرنے والے افسروں اور بیورو کریسی میں تقرر تبادلوں کے حوالے تبادلہ خیال کیا گیا۔
خیال رہے سپیکر پنجاب اسمبلی کے لیے بھی مختلف ناموں پر غور کیا جا رہا تھا، جن میں میاں محمود الرشید، اسلم اقبال، زین قریشی اور عثمان بزدار کے نام شامل تھے۔یاد اس سے قبل پرویزالہٰی سپیکر پنجاب اسمبلی تھے، گذشتہ روز سپریم کورٹ کے فیصلے کے بعد وہ وزیراعلیٰ پنجاب بن گئے تھے۔
