اسلام آ باد (وقائع نگار ) چینی ڈش کے طورپر پاکستان اور بھارت میں بھی یکساں مشہور چٹ پٹ ڈش نوڈلز جسے بچوں سمیت بڑے بھی کھانا پسند کرتے ہیں، ان سے متعلق گیلپ پاکستان نے دلچسپ سروے کیا ہے۔ گیلپ پاکستان کے سروے کے مطابق59 فیصد پاکستانیوں نے نوڈلز کا ذائقہ ہی کبھی نہیں چکھا ، وہ یہ بھی نہیں جانتے کہ اس کا ذائقہ کیسا ہوتاہے۔سروے نتائج میں دعویٰ کیاگیاہے کہ 39فیصد پاکستانیوں نے نوڈلزکو پسندیدہ ڈش قرار دیا اورکہا کہ وہ خوب شوق سے کھاتے ہیں۔
