کینبرا(مانیٹرنگ ڈیسک)ٓسٹریلیا میں ہزاروں گھوڑوں کو آبادی میں اضافے کی وجہ سے فائرنگ کر کے مارنے کا فیصلہ کر لیا گیا۔
آسٹریلوی حکام کے مطابق سب سے بڑے قومی پارکوں میں سے ایک میں ہیلی کاپٹر کے ذریعے جنگلی گھوڑوں کو ہوا سے فائرنگ کر کے مار ڈالنے کا عمل دوبارہ شروع کرنے پر اتفاق کیا گیا ہے۔رپورٹس کے مطابق جنوب مشرقی آسٹریلیا کے کوسکیوسکو نیشنل پارک میں تقریباً 19 ہزار جنگلی گھوڑے ہیں جنہیں ’برمبیز‘ کہا جاتا ہے۔غیر ملکی میڈیا کے مطابق نیو ساو¿تھ ویلز کے ریاستی حکام 2027ء کے وسط تک اس تعداد کو کم کر کے 3 ہزار تک لانا چاہتے ہیں۔غیر ملکی میڈیا کے مطابق حکام ان جانوروں کو نقصان دہ سمجھتے ہیں کیونکہ یہ مٹی کے کٹاو کو بڑھاتے ہیں اور پودوں کو چر کر یا روند کر ضائع کر دیتے ہیں، یہ چھوٹے جانوروں کے بلوں کو نقصان پہنچانے کا بھی سبب بنتے ہیں۔
یہ بھی پڑھیں : فلسطینیوں کی نسل کشی پرعالمی برادری کی خاموشی شرمناک ،عرب پارلیمنٹ
رپورٹس کے مطابق یہ جنگلی گھوڑے کھانے اور رہائش کے لیے دوسرے جانوروں سے مقابلہ کرتے ہیں اور پانی کے ذرائع کو ناقابلِ استعمال بنا دیتے ہیں۔غیر ملکی میڈیا کے مطابق جنگلی گھوڑوں کو ہیلی کاپٹر کے ذریعے فائرنگ کر کے مارنے کا طریقہ اس سے قبل 2000ءمیں مختصر مدت کے لیے استعمال کیا گیا تھا اور اس دوران 3 دن میں 600 سے زیادہ گھوڑوں کو مار دیا گیا تھا۔
