اسلام آ باد (وقائع نگار خصوصی ) نگران وزیر خارجہ جلیل عباس جیلانی نے کہا ہے کہ پاکستان کو مشرق وسطی میں بڑھتی ہوئی کشیدگی اور معصوم جانوں کے ضیاع پر بھی گہری تشویش ہے۔
یہ بھی پڑھیں:حماس کی اسرائیل کیخلاف کامیاب کارروائی پر دنیا بھر میں جشن منایا گیا
سوشل میڈیا پر جاری بیان میں نگران وزیر خارجہ جلیل عباس جیلانی نے لکھا کہ موجودہ صورتحال میں فلسطینیوں کے ساتھ یکجہتی کے طور پر کھڑے ہیں اور اسرائیلی قابض افواج کے تشدد اور جبر کو فوری طور پر بند کرنے کا مطالبہ کرتے ہیں۔جلیل عباس جیلانی نے مزید لکھا کہ اقوام متحدہ کی قراردادوں کے مطابق اور 1967 سے پہلے کی سرحدوں کی بنیاد پر قابل عمل اور خود مختار فلسطینی ریاست کا قیام ضروری ہے۔وزیر خارجہ جلیل عباس جیلانی نے کہا کہ عالمی برادری کو تنازعات کے خاتمے اور شہریوں کی حفاظت کے لیے اقدامات کرنے چاہئیں،عالمی برادری مشرق وسطی میں دیرپا امن کے لیے فوری مداخلت کرے۔
یہ بھی پڑھیں:آپریشن الاقصیٰ دوسرے روز بھی جاری ،300 سے زائد اسرائیلی ہلاک،500 فلسطینی شہید
