لاہور (کرائم رپورٹر) کاونٹر ٹیررازم ڈیپارٹمنٹ (سی ٹی ڈی ) کی جانب سے پنجاب میں انٹیلی جنس بیسڈ آپریشن کیا گیا ہے ، جس میں کالعدم تنظیم سے تعلق رکھنے والے 9 دہشتگرد اور بھاری مقدارمیں نقصان پہنچانے والے خطرناک ہتھیار برآمد ہوا ہے ۔
” پاکستان ٹائم “ کے مطابق سی ٹی ڈی حکام کا کہنا ہے کہ گرفتار ہونے والے دہشت گردوں کے خلاف 10 مقدمات درج ہیں، مزید تفتیش جاری ہے، چھاپوں کے دوران خودکش جیکٹ ، دھماکا خیز مواد ، ہینڈ گرنیڈ ، ڈیٹو نیٹر اور اسلحہ برآمد ہوا ہے ۔
سیکیورٹی حکام نے مزید بتایا کہ ملزموں سے ریموٹ کنٹرول ڈیوائس ، حساس مواد پر مشتمل کتابیں بھی برآمد ہوئی ہیں، دہشت گردوں کا تعلق کالعدم ٹی ٹی پی اور داعش کے مختلف گروپوں سے ہے۔
