پونے(سپورٹس ڈیسک) انٹرنیشنل کرکٹ کونسل (آئی سی سی)ورلڈ کپ سے سری لنکن ٹیم کا ایک اور کھلاڑی انجرڈ ہو کر باہر ہو گیا۔
پاکستان ٹائم کے مطابق لاہیرو کمارا انجری کی وجہ سے ٹورنامنٹ سے آوٹ ہوئے۔وہ پونے میں ٹریننگ سیشن کے دوران زخمی ہو گئے تھے۔سری لنکا کی ٹیم میں دشمنتھا چمیرا کو شامل کر لیا گیا ہے۔آئی سی سی ٹیکنیکل کمیٹی نے سری لنکا سکواڈ میں تبدیلی کی منظوری دے دی ہے۔واضح رہے کہ اس سے قبل سری لنکن کرکٹ ٹیم کے کپتان داسن شناکا ان فٹ ہونے کی وجہ سے ورلڈکپ سے باہر ہو چکے ہیں۔سری لنکا کے کپتان پاکستان کے خلاف میچ کے دوران زخمی ہو گئے تھے،ان کی جگہ قیادت کوشال مینڈس کو سونپی گئی ہے۔
