لندن (مانیٹرنگ ڈیسک) سابق انگلش کپتان ناصر حسین نے بھارتی بیٹرز کو بابر اعظم اور کین ولیمسن سے بیٹنگ کے گر سیکھنے کا مشورہ دے دیا یہ مشورہ انہوں نے بھارتی بیٹرز کو ئی سی سی ورلڈ ٹیسٹ چیمپئن شپ کے فائنل میں آسٹریلیا کے ہاتھوں شکست پردیا۔
سپورٹس چینل سے گفتگو کرتے ہوئے سابق انگلش کپتان ناصر حسین نے کہا کہ روہت شرما اور شبمان گل پر مشتمل بھارتی ٹاپ آرڈر بلے بازوں کو پاکستان کے بابر اعظم اور نیوزی لینڈ کے کین ولیمسن کی بیٹنگ دیکھ کر سیکھنا چاہیئے کہ جب گیند سوئنگ اور سیم ہورہی ہو تو کیسے کھیلا جاتا ہے۔سابق برطانوی کپتان اور بلے باز کا کہنا تھا کہ بابر اور ولیمسن کی کامیابی کی وجہ یہ ہے کہ وہ سوئنگ ہوتی گیند کو کھیلنے میں جلدی نہیں کرتے بلکہ جتنا ہوسکے لیٹ کھیلتے ہیں۔
مزید پڑھیں:بھارت کو عبرتناک شکست،آسٹریلیا ورلڈ ٹیسٹ چمپئین بن گیا
ان کا کہنا تھا کہ ورلڈ ٹیسٹ چیمپئن شپ کے فائنل میں بھارت کے سینیئر بلے بازوں کا کھیل دیکھ کر مجھے بہت مایوسی ہوئی، میرے کمنٹس پر بھارتی مداح تنقید تو کریں گے لیکن پھر بھی میں یہ مشورہ دوں گا کہ وہ بابر اعظم اور ولیم سن کی بیٹنگ سے سیکھیں۔
