شعیب اختر نے دوسری شادی بارے سوچنے سے بھی’توبہ‘ کر لی

راولپنڈی (سپورٹس رپورٹر )پاکستان کرکٹ ٹیم کے لیجنڈ کھلاڑی شعیب اختر نے کہا کہ ایسا انسان نہیں کہ دوسری شادی کے بارے میں سوچوں۔

مزید پڑھیں:وسیم اکرم نے بابر اعظم کو پاکستان کا برائن لارا قرار دے دیا

حال ہی میں ایک پوڈ کاسٹ کے دوران میزبان نے سابق کرکٹر سے دوسری شادی سے متعلق پوچھے جانے والے سوال پر شعیب اختر نے کہا کہ اسلام میں ایک سے زائد شادیوں کی اجازت ہے لیکن ان کا خیال ہے کہ آدمی کو ایک شادی سے ہی جڑے رہنا چاہیے۔شعیب اختر نے کہا کہ ایک لڑکی آپ کے لیے اپنا گھر چھوڑ کر آتی ہے تو شوہر کو چاہیے کہ وہ ہمیشہ اس کے ساتھ ایماندار رہے اور نرمی کے ساتھ پیش آنے کے ساتھ ساتھ اس کی دیکھ بھال بھی کرے۔یاد رہے کہ شعیب اختر نے جون 2014 میں اپنے سے کئی سال چھوٹی رباب خان نامی لڑکی سے شادی کی تھی اور اب سابق کرکٹر کے دو بیٹے بھی ہیں۔

مزید پڑھیں:کیا وہاب ریاض الیکشن لڑیں گے؟ خود وضاحت کر دی