ممبئی ( مانیٹرنگ ڈیسک) بالی ووڈ کنگ شاہ رخ خان کی نئی فلم جوان کا ایکشن اور تھرلر سے بھرپور ٹریلر جاری کر دیا گیا۔
”پاکستان ٹائم” کے مطابق فلم جوان کے ٹریلر میں شاہ رخ خان کو مختلف اوتار میں دکھایا گیا ہے جس سے شائقین کی فلم کیلئے دلچسپی مزید بڑھ گئی ہے۔شاہ رخ خان نے سوشل میڈیا پر جوان کا ٹریلر جاری کرتے ہوئے لکھا کہ میں کون ہوں کون نہیں، جاننے کیلئے تیار ہیں؟ایک سین میں کنگ خان کے چہرے کو مکمل طور پر پٹیوں سے ڈھکا ہوا دکھایا گیا ہے جبکہ دوسرے سین میں شاہ رخ نے آدھے چہرے پر ماسک لگا رکھا ہے جبکہ ٹرین کے سفر کے دوران ایک سین میں اداکار کو سر منڈوایا ہوا دکھا گیا ہے۔
خیال رہے کہ فلم جوان 7 ستمبر کو بھارت سمیت مختلف ممالک میں ہندی، تامل اور تیلگو زبان میں پیش کی جائے گی۔
یہ بھی پڑھیں:والدین کی علیحدگی کے بعد کی زندگی بارے عامر خان کی بیٹی ارا خان کھل کر بول پڑیں
