ممبئی(مانیٹرنگ ڈیسک)اسلام کی خاطر بالی ووڈ سے کنارہ کشی اختیار کرنے والی سابقہ بھارتی اداکارہ ثناءخان نے اپنے نومولود بیٹے کا نام سید طارق جمیل رکھ دیا ہے۔
یہ بھی پڑھیں:والدین کی علیحدگی کے بعد کی زندگی بارے عامر خان کی بیٹی ارا خان کھل کر بول پڑیں
بھارتی میڈیا کے مطابق ثناءخان کا کہنا ہے کہ نام کا شخصیت پر بہت اثر پڑتا ہے،ہم اپنے بیٹے کے لیے ایک ایسا نام چاہتے تھے جو دین داری، بردباری، نرمی اور دیانت داری کی علامت ہو۔ثناء خان کا کہنا ہے کہ مجھے ابھی تک یقین نہیں آ رہا کہ یہ میری اولاد ہے،ماں بننا زندگی کا سب سے خوبصورت احساس ہے،مجھے ابھی تک ایسا لگتا ہے کہ میں نے کسی اور کا بچہ اٹھایا ہوا ہے،ماں باپ بننا زندگی بھر کی ذمے داری ہے۔واضح رہے کہ حال ہی میں ثناء خان اور ان کے شوہر مفتی انس کے یہاں بیٹے کی پیدائش ہوئی ہے۔ثناء خان نے نومبر 2020ء میں بھارتی ریاست گجرات سے تعلق رکھنے والے مفتی انس سے شادی کی تھی۔
