ممبئی(شوبز ڈیسک)پاکستان کی سپر سٹاراداکارہ ماہرہ خان نے انکشاف کیا ہے کہ وہ 2016 میں بولی وڈ بادشاہ شاہ رخ خان کے ساتھ ’رئیس‘ کی شوٹنگ کے وقت رومانوی مناظر شوٹ کرواتے وقت ڈر گئی تھیں اور انہیں خدشہ تھا کہ وہ اپنی حدود نہ پار کر جائیں۔
بھارت کے مشہور خبر رساں ادارے’ٹائمز آف انڈیا‘ کے مطابق ماہرہ خان نے بالی ووڈ کی اپنی پہلی اور آخری فلم ”رئیس “ کی ریلیز کے 6سال بعد ایک پوسٹ کاڈ میں انکشاف کیا ہے کہ وہ شاہ رخ خان کے ساتھ بوس و کنار کے مناظر شوٹ نہیں کرونا چاہتی تھیں، وہ شوٹنگ کے دوران شاہ رخ خان کے ساتھ رومانوی مناظر شوٹ کرواتے وقت خوف زدہ تھیں اور انہیں خدشہ تھا کہ وہ کہیں رومانوی مناظر شوٹ کرواتے کرواتے اپنی حدود نہ پار کر جائیں۔ماہرہ خان کا کہنا تھا کہ فلم کے گانے ’ظالما‘ میں انہیں اور شاہ رخ خان کو متعدد بار ایک دوسرے کے ساتھ ناک ٹکراکر رومانوی مناظر شوٹ کروانے تھے مگر انہیں ایسے مناظر پر اعتراض تھا، دراصل وہ ایسے مناظر شوٹ کروانے کے لیے خوف زدہ تھیں اور انہیں خدشہ تھا کہ شوٹ کے دوران دونوں اپنی حدود پار نہ کر جائیں، ان کی جانب سے شاہ رخ خان کے ساتھ ناک سے ناک ٹکرا کر بوس و کنار کے مناظر شوٹ کروانے کے انکار پر سیٹ پر موجود سب لوگ ہنس پڑے اور ان کا مذاق اڑایا گیا، شاہ رخ خان نے بھی بوس و کنار کے مناظر شوٹ کروانے سے انکار پر ان کا مذاق اڑایا اور انہیں کہا کہ وہ واقعی انہیں بوسہ نہیں دیں گی؟۔ماہرہ خان کا کہنا تھا کہ دراصل انہیں خدشہ تھا کہ کہیں بوس و کنار کے مناظر شوٹ کرواتے کرواتے وہ اور شاہ رخ خان حدود پار نہ کرجائیں اور ان سے کوئی بڑی غلطی نہ ہوجائے اور کوئی مسئلہ پیدا نہ ہو، ان کے انکار کے بعد مناطر کو مختصر اور محدود کیا گیا اور ان کے گانے ’ظالما‘ کو دیکھا جائے تو شاہ رخ خان اور ان کے درمیان انتہائی کم اور مختصر دورانیے کے ناک سے ناک ٹکرانے کے بوس و کنار کے مناظر ہوں گے۔
واضح رہے کہ ماہرہ خان اور شاہ رخ خان کی فلم ’رئیس‘ کو تاخیر سے جنوری 2017 میں ریلیز کیا گیا تھا، مذکورہ فلم ماہرہ خان کی پہلی اور اب تک کی آخری بولی وڈ فلم ہے۔فلم میں ماہرہ خان نے شاہ رخ خان کی بیوی کا کردار ادا کیا تھا اور دونوں کے درمیان فلم میں متعدد رومانوی مناظر شامل ہیں جب کہ ان پر فلمائے گئے گانوں میں بھی انہیں رومانس کرتے دکھایا گیا تھا۔شاہ رخ خان کے ساتھ بولڈ اور رومانوی مناظر شوٹ کروانے پر ماہرہ خان کو اس وقت ملک میں تنقید کا نشانہ بھی بنایا گیا تھا۔
