کوالالمپور(مانیٹرنگ ڈیسک)ملائیشیا کی سابق خاتون اول روسما منصور کو رشوت کے تین الزامات میں 10 سال قید کی سزا سنائی گئی ہے۔
غیر ملکی میڈیا کے مطابق سابق خاتون اولروسما منصور کو ایک کمپنی سے رشوت طلب کرنے اور وصول کرنے کے تین الزامات میں قصور وار پایا گیا۔اس حوالے سے ہائی کورٹ نے کہا کہ جیل کی سزائیں ایک ساتھ چلیں گی۔یہ فیصلہ ان کے شوہر اور سابق ملائیشین وزیراعظم نجیب رزاق کو بدعنوانی کے الزام میں 12 سال قید کی سزا سنانے کے چند دن بعد آیا ہے۔
فیصلہ کے بعد جج سے روتے ہوئے روسما منصور نے کہا کہ “مجھے کسی نے پیسے لیتے ہوئے نہیں دیکھا، کسی نے مجھے پیسے گنتے نہیں دیکھا لیکن اگر یہ نتیجہ ہے تو میں اسے خدا پر چھوڑتی ہوں۔تاہم،روسما کو اب بھی منی لانڈرنگ اور ٹیکس چوری کے 17 دیگر الزامات کا سامنا ہے۔ انہوں نے ان الزامات میں قصوروار نہ ہونے کی استدعا کی ہے۔