اسلام آباد (کورٹ رپورٹر ) پاکستان مسلم لیگ ن کے قائد و سابق وزیراعظم نواز شریف کی جانب سے ایون فیلڈ اور العزیزیہ ریفرنس میں اپیلیں بحال کرنے کے لیے درخواستیں اسلام آباد ہائیکورٹ میں دائر کر دی گئیں۔
اسحاق ڈار کے خلاف آمدن سے زائد اثاثہ جات کیس،احتساب عدالت کا فیصلہ آ گیا
پاکستان ٹائم کے مطابق ایڈووکیٹ امجد پرویز کے ایسوسی ایٹ گلزار احمد اور ظہور احمد نے درخواستیں دائر کیں جن میں عدالت سے استدعا کی گئی ہے کہ ایون فیلڈ اور العزیزیہ ریفرنس میں نواز شریف کی اپیلیں بحال کی جائیں، درخواستوں کو میرٹ پر سن کر فیصلہ کیا جائے۔ یاد رہے کہ سابق وزیر اعظم نواز شریف نے اسلام آباد ایئر پورٹ پر اپیلوں کی بحالی کی درخواستوں پر دستخط کر دیئے تھے، نواز شریف کی بائیو میٹرک تصدیق کیلئے بھی وکلا کی جانب سے ایئر پورٹ پر انتظام کیا گیا تھا۔ واضح رہے کہ سابق وزیر اعظم نواز شریف ایون فیلڈ اور العزیزیہ ریفرنس میں سزا یافتہ ہیں، احتساب عدالت نے نواز شریف کو 10 سال قید اور 80 لاکھ پانڈ کی سزا سنائی تھا، العزیزیہ ریفرنس میں احتساب عدالت نے نواز شریف کو 7 سال قید کی سزا سنائی تھی، سابق وزیر اعظم کو 10 سال کیلئے عوامی عہدے کیلئے بھی نااہل قرار دیا گیا تھا۔ بعدازاں اسلام آباد ہائیکورٹ کے 2 رکنی بنچ نے سابق وزیر اعظم نواز شریف کی اپیلوں پر سماعت کی، لندن میں قیام طویل ہونے پر اسلام آباد ہائیکورٹ نے جون 2021 میں نواز شریف کی اپیلیں خارج کردی تھیں، جسٹس عامر فاروق اور جسٹس محسن اختر کیانی نے عدم پیروی پر سابق وزیراعظم کی اپیلیں خارج کی تھیں۔
یہ بھی پڑھیں:عمران خان اور شاہ محمود قریشی پر فرد جرم عائد
