پشاور(وقائع نگار خصوصی)پاکستانی فوج کے سربراہ لیفٹیننٹ جنرل سید عاصم منیر نے کہا ہے کہ خیبرپختونخوا کی خواتین نے دہشت گردی کے خلاف طویل جنگ کے باعث بے شمار چیلنجز کا سامنا کیا ہے۔
یہ بھی پڑھیں:افغان سرزمین پاکستان پر حملوں کے لئے استعمال ہوتی ہے ،اقوام متحدہ میں پاکستانی مستقل مندوب منیر اکرم کا الزام
پاک فوک کے شعبہ تعلقات عامہ (آئی ایس پی آر) کے مطابق آرمی چیف نے پشاور کا دورہ کیا، جہاں انہوں نے خواتین سمپوزیم اور صوبائی ایپکس کمیٹی کے اجلاس میں شرکت کی۔آرمی چیف جنرل سید عاصم منیر نے سمپوزیم میں خطاب کرتے ہوئے کہا کہ خواتین نے ملکی ترقی میں مثبت اور اہم کردار ادا کیا ہے،ملکی ترقی میں خواتین کا کردار نہایت اہمیت کا حامل ہے۔آرمی چیف نے کہا کہ خیبرپختونخوا کی خواتین نے دہشتگردی کے خلاف طویل جنگ کے باعث بے شمار چیلنجز کا سامنا کیا،خیبر پختونخوا کی خواتین نے ان تمام تر چیلنجز کے باوجود پختہ عزم اور بہادری کا ثبوت دیا،خواتین خیبرپختونخوا اور نئے ضم شدہ اضلاع کی ترقی میں زیادہ سے زیادہ حصہ لیں تاکہ اس تبدیلی کا پورا پورا فائدہ اٹھایا جاسکے۔
#ISPR
General Syed Asim Munir, NI (M), Chief of Army Staff (#COAS) visited #Peshawar today and had an interactive session with the respectable women of Khyber Pakhtunkhwa during ‘KPK Women Symposium – 2023’.
COAS also attended meeting of the Provincial Apex Committee along… pic.twitter.com/LcNQOnd7nL— Pakistan Armed Forces News 🇵🇰 (@PakistanFauj) September 27, 2023
آئی ایس پی آر کے مطابق ایپکس کمیٹی کے اجلاس کے دوران آرمی چیف کو سمگلنگ،ذخیرہ اندوزی اور منشیات کی سمگلنگ کے خلاف اقدامات سمیت مجموعی سیکیورٹی صورتحال کے بارے میں بریفنگ دی گئی۔اجلاس کے شرکاءنے اس بات کا اعادہ کیا کہ ریاستی ادارے اور عوام شہریوں کے جان و مال کے تحفظ کے لیے متحد ہیں۔شرکاءنے شہدا اور ان کے اہل خانہ کو بھی بھرپور خراج تحسین پیش کیا۔آرمی چیف کا کہنا تھا کہ ہمیں اپنے پیارے ملک کے امن اور خوشحالی کے لئے اپنی کوششوں کو ہم آہنگ کرنا ہوگا، پاک فوج خیبرپختونخوا میں امن و استحکام کو یقینی بنانے کے لیے اپنا کردار ادا کرتی رہے گی تاکہ معاشی ترقی کے لیے محفوظ ماحول فراہم کیا جا سکے۔
یہ بھی پڑھیں:اسحاق ڈار کو چوتھی مرتبہ وزیر بننے کا جنون تھا،مفتاح اسماعیل برس پڑے
