گال ٹیسٹ میں سپنر چھا گئے،ٹیم جیت سے چند قدم دور

گال(مانیٹرنگ ڈیسک) گال ٹیسٹ کے چوتھے روز قومی ٹیم کے سپنرز چھا گئے ،قومی ٹیم کو جیت کیلئے 131رنز کا ہدف مل گیا ۔
نجی ٹی وی کے مطابق ابرار احمد اور نعمان علی نے 3،3کھلاڑیوں کو آﺅٹ کیا ،جبکہ آغا سلمان اور شاہین شاہ آفریدی نے 2، 2 وکٹیں حاصل کیں۔گال میں کھیلے جارہے سیریز کے پہلے ٹیسٹ میچ کے چوتھے روز سری لنکا نے دوسری اننگز کا آغاز 14 رنز کی مجموعی اسکور سے کیا، تاہم کپتان ڈیموتھ کرونارتنے 20، کوشل مینڈس 18، اینجیلو میتھیوز 7، نیشان مدھشکا 52، دنیش چندیمل 28، سمارا وکرما 11 جبکہ رمیش مینڈس 42 رنز بناکر پویلین لوٹ گئے۔سری لنکا کی جانب سے دھننجایا ڈی سلوا 82 رنز کی مزاحمتی اننگز کھیل کر شاہین آفریدی کا شکار بنے۔ پراباتھ جے سوریا 10 رنز اور کاسون راجیتھا 5 رنز بنا کر پویلین لوٹ گئے۔سری لنکا کی ٹیم پہلے ٹیسٹ میچ کی دوسری اننگز میں 279 رنز بنا کر آوٹ ہوگئی جبکہ 131 رنز کے ہدف کے تعاقب میں پاکستان کی پہلی وکٹ 16 رنز پر گر گئی۔

یہ بھی پڑھیں : ایشیا کپ 2023 ،پاک بھارت میچ کب اور کہاں ہوگا؟تفصیلات سامنے آگئیں