لاہور(سٹاف رپورٹر)چوہدری پرویز الٰہی کی مشکلات میں دن بدن اضافہ ہوتا جا رہا ہے،قومی احتساب بیورو (نیب) نے کرپشن کیس میں سابق وزیراعلیٰ پنجاب،مونس الٰہی اور علی افضل ساہی کیخلاف باقاعدہ تحقیقات کا آغاز کر دیا۔
”پاکستان ٹائم“ کے مطابق نیب نے گجرات،منڈی بہاوالدین کے تعمیراتی ٹھیکوں کی مدمیں ایک ارب 25 کروڑکی کرپشن کی شکایات پر تحقیقات شروع کر دیں۔ملزمان پر فرنٹ مینوں کے ذریعے کک بیکس وصول کرنے کا الزام ہے۔نیب ذرائع کے مطابق گجرات،منڈی بہاوالدین میں تعمیراتی ٹھیکوں میں رشوت وصولی کیلئے محمد خان بھٹی کی نگرانی میں گروہ سرگرم رہا۔خیال رہے کہ چوہدری پرویز الٰہی ناجائز بھرتیوں کے کیس میں جوڈیشل ریمانڈ پر جیل میں ہیں۔4 جون کو عدالت نے پرویز الٰہی کا جسمانی ریمانڈ دینے کی اینٹی کرپشن کی استدعا مسترد کرتے ہوئے انہیں 14 روزہ جوڈیشل ریمانڈ پر جیل بھیج دیا تھا۔
مزید پڑھیں:پانامہ پیپرز سکینڈل7سال بعد پھر زندہ ،سپریم کورٹ میں 436پاکستانیوں کیخلاف درخواست
