اسلام آباد ( سٹاف رپورٹر) وزیر اعظم شہباز شریف نے نئے اسلامی سال کے موقع پر قوم سے حضور نبی اکرمﷺ اور صحابہ کرامؓکی تعلیمات پر عمل پیرا ہونے کی اپیل کی اور سماجی انصاف اور مساوات پر مبنی معاشرے کو پروان چڑھانے کی اہمیت پر زور دیا۔
یہ بھی پڑھیں:لاپتہ بیوروکریٹ کی اچانک آمد،سائفر بارے انکشافات
”پاکستان ٹائم“ کے مطابق ہجری سال 1445 کے آغاز کے موقع پر پیغام میں وزیر اعظم نے سب پر زور دیا کہ وہ اپنے اختلافات سے بالاتر ہو کر رواداری، افہام و تفہیم اور ایک دوسرے کے لیے احترام کو فروغ دیں۔ انہوں نے ایک ایسے معاشرے کی امید ظاہر کی جو ہمدردی، مساوات اور سماجی انصاف جیسے اصولوں کو برقرار رکھے۔شہباز شریف نے قوم اور امت مسلمہ کو دل کی گہرائیوں سے مبارکباد پیش کرتے ہوئے دعا کی کہ نیا اسلامی سال پاکستان اور پوری مسلم دنیا کے لیے امن، ترقی اور خوشحالی لائے۔انہوں نے دنیا بھر میں خاص طور پر کشمیر اور فلسطین میں مصیبت زدہ مسلمانوں کی ا?سانی اور فلاح و بہبود کے لیے دعا کرتے ہوئے امید کی کہ انہیں امن اور خوشحالی ملے گی۔نئے اسلامی سال کی تاریخی اہمیت پر روشنی ڈالتے ہوئے انہوں نے حضرت امام حسین ?کی قیادت میں ا?ل رسول ?کی قربانی کا ذکر کیا۔انہوں نے جبر و استبداد کے خلاف ان کے غیر متزلزل موقف کو تسلیم کرتے ہوئے ان کی قربانی کو جرات اور سچائی اور انصاف کے لیے لگن کی ایک لازوال مثال سمجھا۔وزیراعظم نے کہا کہ ماضی کے واقعات ہمدردی، انصاف اور اتحاد کی اقدار کی یاد دہانی کا کام کرتے ہیں۔ انہوں نے پیروکاروں کی حوصلہ افزائی کی کہ وہ ناانصافی کے خلاف کھڑے ہوں اور امن، ہم ا?ہنگی اور بقائے باہمی کے حامل معاشرے کی تشکیل کے لیے کام کریں۔وزیراعظم نے پاکستان میں معاشی مشکلات کے خاتمے پر اظہار تشکر کرتے ہوئے اسے حکومت کی محنت کو قرار دیا۔انہوں نے معاشی مسائل کے مستقل خاتمے کے لیے دعا کی اور خواہش ظاہر کی کہ پاکستان ترقی اور خوشحالی کے مرکز کے طور پر پھلے پھولے، تمام قوم اختلافات کے باوجود متحد ہو۔
یہ بھی پڑھیں:پرویز الٰہی اڈیالہ جیل منتقل
