نیویارک (مانیٹرنگ ڈیسک) ہالی ووڈ کے نامور آسکر ایوارڈ یافتہ اداکار ایلن آرکن 89 برس کی عمر میں چل بسے۔ایلن نے ہالی وڈ فلم’ ’لٹل مس سن شائن“ میں بہترین اداکاری کی بدولت آسکر ایوارڈ حاصل کیا تھا ۔
ایلن آرکن نے بروکلن کے ایک روسی، جرمن نژاد تارکین وطن جوڑے کے گھر میں جنم لیا ،بچپن میں ہی والدین کے ہمراہ لاس اینجلس منتقل ہو گئے، بینگٹن کالیج میں داخلہ لیا لیکن بعد میں اپنا میوزک گروپ بنانے کیلئے انہوں نے تعلیم ادھوری چھوڑ دی، 1957 کا ایک ہٹ گانا ’بنانا بوٹ سانگ‘ ان کے کریڈٹ پر ہے۔ایلن آرکن نے 1963 میں براڈوے سے اپنے ڈیبیو ڈرامہ ’انٹر لافنگ‘ میں بہترین اداکاری پر ٹونی ایوارڈ جبکہ 1968 میں ’لٹل مرڈررز‘ نامی ڈرامہ ڈائریکٹ کرنے پر ڈرامہ ڈیسک ایوارڈ حاصل کیا۔ایلن آرکن کوبہترین اداکاری کا مظاہرہ کرنے پر ایمی ایوارڈ، گولڈن گلوب اور ایس اے جی ایوارڈز کیلئے بھی نامزد کیا گیا ۔
یہ بھی پڑھیں : تنہائی دور کرنے کیلئے ”بگ باس “ میں جانے والی نواز صدیقی کی سابق بیوی پھر اکیلی
