کراچی(سٹاف رپورٹر )ٹائی ٹینک دکھانے کے لیے جانیوالی آبدوز کی تباہی اور اس کے جاں بحق ہونیوالے پاکستانی باپ بیٹے کے اہلخانہ کا موقف بھی آگیا۔
پاکستانی نڑاد تاجر شہزادہ داو د اور ان کے بیٹے سلیمان کے اہل خانہ نے کہا ہے کہ بحر اوقیانوس میں لاپتہ ہونے والے آبدوز کو تلاش کرنے کی کوششوں میں شامل تمام افراد کے شکرگزار ہیں، ہمیں ملنے والی بے پناہ محبت اور حمایت اس ناقابل تصور نقصان کو برداشت کرنے میں مدد کرے گی، شہزادہ داود اور سلیمان کی آخری رسومات کی تفصیلات کا اعلان جلد کیا جائے گا۔
یہ بھی پڑھیں:وائٹ ہاﺅس کے باہر گجرات کے قصائی مودی کیخلاف مظاہرہ،نعرے بازی
شہزادہ داود کے والدین حسین اور کلثوم داو د کی جانب سے جاری بیان میں کہا گیا کہ آبدوز ٹائٹن کے ریسکیو آپریشن میں شامل تمام لوگوں کی انتھک کوششیں ہمارے لیے طاقت کا باعث بنی تھیں ، ہم ان تمام افراد کے بھی مشکور ہیں جو اس مشکل وقت میں ہمارے ساتھ کھڑے رہے۔
