پشاور (کرائم رپورٹر ) نواحی علاقے پھندو میں مسلح ملزمان نے فائرنگ کر کے قومی باکسر جہانزیب خان کو قتل کر دیا اور موقع سے فرار ہوگئے۔ پولیس کے مطابق فائرنگ کی زد میں آکر جہانزیب خان جاں بحق جبکہ ان کے دو ساتھی زخمی ہو گئے اور ملزمان کارروائی کے بعد فرار ہو گئے۔پولیس نے نامعلوم افراد کیخلاف مقدمہ درج کرکے واقعے کی تفتیش شروع کر دی ۔ ادھر سیکرٹری جنرل خیبرپختونخوا باکسنگ ایسوسی ایشن سید کمال خان نے بتایاکہ جہانزیب خان باکسنگ کا قومی کھلاڑی تھا، مقتول جہانزیب نے 2019میں نیشنل گیمز میں حصہ لیا تھا، وہ 2013سے باکسنگ سے وابستہ تھے۔
