دوحہ(سپورٹس ڈیسک) انٹرنیشنل کرکٹ کونسل(آئی سی سی) نے نئی ٹیسٹ رینکنگ جاری کردی۔ آئی سی سی کے مطابق آئی سی سی ٹیسٹ رینکنگ میں کین ولیمسن کی پہلی،سٹیو سمتھ کی دوسری اورڈیرل مچل کی تیسری پوزیشن برقرار ہے جبکہ بابراعظم کی رینکنگ میں ایک درجہ بہتری،پانچویں سے چوتھے نمبرپرآگئے۔ون ڈے رینکنگ میں بابر اعظم بیٹرز کی فہرست میں بدستور پہلے نمبر پر براجمان ہیں، بھارتی بلے باز شمبھن گل دوسرے ویرات کوہلی تیسرے جبکہ روہت شرما چوتھے نمبر پر موجود ہیں۔ بولرزکی فہرست میں جنوبی افریقہ کے کیشو مہاراج پہلے نمبر پر،آسٹریلیا کے جوش ہیزل ووڈ دوسرے جبکہ ایڈم زامپا تیسرے نمبر پر براجمان ہیں۔آل رائونڈر کی فہرست میں افغانستان کے محمد نبی پہلے نمبر پر براجمان ہیں،بنگلہ دیش کے شکیب الحسن دوسرے جبکہ زمبابوے کے سکندر رضا تیسری پوزیشن پر براجمان ہیں۔
