ڈونیڈن(سپورٹس ڈیسک ) نیوزی لینڈ کیخلاف پہلی سیریز میں ناکامی کے بعد پاکستانی کپتان شاہین شاہ آفریدی کا بیان سامنے آگیا ااوراعتراف کیا کہ بہت سی غلطیاں ہوئیں، خاص طور پر بالنگ توقعات کے مطابق نہ کرسکے، ماضی کے نتائج کو دیکھ کر تینوں میچز میں ٹاس جیت کر فیلڈنگ کا فیصلہ مشاورت سے کیاتھا۔ میچ کے بعد گفتگو کرتے ہوئے شاہد آفریدی کاکہناتھاکہ اگر بولرز درست لائن و لینتھ پر بالنگ کرتے تو رزلٹ مختلف ہوتا، کیوی ٹیم اپنی کنڈیشنز پر خطرناک حریف ہے،ان کے بولرز کو بھی رنز پڑے ہیں، میچ میں ایسا ہوتا ہے، کسی بھی نوجوان کے لیے نیوزی لینڈ کی کنڈیشنز میں پرفارمنس مشکل ہوتی ہے، صائم ایوب مستقبل کا سٹار ہے۔ کپتان کاکہناتھاکہ بابراعظم نے تینوں میچز میں شاندار کھیل کا مظاہرہ کیا اگر انہیں ایک اینڈ سے سپورٹ ملتی تو وہ میچ ختم کرکے واپس آتے، بابر نے ثابت کیا ہے کہ انکی فارم بحال ہوچکی ہے۔
