سڈنی (سپورٹس ڈیسک )آسٹریلیا کیخلاف ٹیسٹ سیریز میں قومی ٹیم کے فاسٹ بولر عامر جمال نے وسیم اکرم کا کئی دہائیاں پرانا ریکارڈ توڑ دیا،وہ آسٹریلیا کیخلاف ایک ٹیسٹ میچ کی اننگز میں 50 سے زائد رنز اور 6 وکٹیں لینے والے پہلے پاکستانی کھلاڑی بن گئے،اس سے قبل وسیم اکرم نے 1990 میں آسٹریلیا کیخلاف 52 اور 123 رنز کی اننگز کھیلی تھیں اور ایک اننگ میں پانچ اور دوسری اننگ میں ایک وکٹ لی تھی۔ تفصیلات کے مطابق آسٹریلیا کے خلاف آخری ٹیسٹ میچ کے دوران عامر جمال نے سڈنی ٹیسٹ کی پہلی اننگز میں 82 رنز کی اننگز کھیلی جبکہ انہوں نے آسٹریلیا کی پہلی اننگز میں 6 کھلاڑیوں کو آوٹ بھی کیا۔یہاں یہ امر بھی قابل ذکر ہے کہ تین ٹیسٹ میچز پر مشتمل سیریز میں آسٹریلیا کو دو صفر کی فیصلہ کن برتری حاصل ہے۔
