لندن (سپورٹس ڈیسک) کھیل کے میدان میں پاکستان کے خلاف سازش پر بھارت کو منہ کی کھانی پڑگئی اور انٹرنیشنل ٹینس فیڈریشن کے آزاد ٹریبونل نے بھارتی اپیل مسترد کرتے ہوئے ڈیوس کپ ٹائی پاکستان میں ہی کرانے کا حتمی فیصلہ سنادیا۔ یادرہے کہ بھارت نے پاکستان میں عام انتخابات اور سکیورٹی کو بنیاد بناکر ڈیوس کپ نیوٹرل وینیو پر کرانے پر زور دیا تھا جس پر انٹرنیشنل ٹینس فیڈریشن نے کہا ہے کہ پاکستان میں ڈیوس کپ نہ کھیلنے کی کوئی ٹھوس وجہ نہیں۔یادرہے کہ پاکستان اور بھارت کے درمیان ڈیوس کپ ٹائی اسلام آباد میں 4 فروری کو کھیلے جائے گی۔ انٹرنیشنل ٹینس فیڈریشن کے آزاد ٹریبونل کا کہنا ہے کہ فیصلہ لینے سے پہلے تمام صورت حال کا جائزہ لیا گیا ہےاور بھارتی اپیل مسترد کی جاتی ہے۔
