کیپ ٹاون (سپورٹس ڈیسک )جنوبی افریقہ کے سابق کپتان ڈین ایلگر نے اپنے کیریئرکا اہم ترین اعلان کردیااوربھارت کے خلاف ہوم سیریز کے بعد ریٹائرمنٹ کافیصلہ سنا دیا۔ انٹرنیشنل کرکٹ کونسل (آئی سی سی )کے مطابق جمعہ کو کرکٹ جنوبی افریقہ کی جانب سے جاری بیان میں بتایا کہ ایلگر ہندوستان کے خلاف ہوم ٹیسٹ سیریز کے اختتام پر اپنے بین الاقوامی کیریئر کو خیر آباد کہہ دیں گے۔ سابق کپتان کا کہنا تھا کہ 12 سال تک انٹرنیشنل لیول پر اپنے ملک کی نمائندگی کرنا میرے لئے بہت بڑا اعزاز ہے، یہ ایک ناقابل یقین سفر رہا جو مجھے نصیب ہوا ہے، تمام اچھی چیزیں ختم ہوجاتی ہیں ویسے ہندوستانی ہوم سیریز میری آخری ہوگی کیونکہ میں نے اپنے خوبصورت کھیل سے ریٹائر ہونے کا فیصلہ کیا ہے،امید ہے کہ میرا آخری رن بھی وہی بنے گا۔
