میلبرن(سپورٹس ڈیسک)آسٹریلیا سے ایک میچ ہارنے اور دوسرے میچ کیلئے میدان میں اترنے سے قبل پاکستان کرکٹ ٹیم کے مڈل آرڈر بیٹر سعود شکیل کا بیان آگیا اور کہا ہے کہ آسٹریلیا کے خلاف دوسرے ٹیسٹ میچ میں امید ہے پھر سے غلطیاں نہیں دہرائیں گے۔ میڈیا سے گفتگو کرتے ہوئے سعود شکیل نے کہا کہ پچ دیکھ کر پاکستان جیسا احساس ہورہا ہے، پرتھ ٹیسٹ کے پہلے روز بائولنگ اچھی نہیں ہوئی تھی، نئے بالرز تھے ایڈجسٹ ہونے میں وقت لگتا ہے،پہلی اننگز میں زیادہ رنز بن گئے وہیں سے میچ ہم سے نکل گیا تھا۔ ان کامزید کہناتھاکہ بدقسمتی سے خرم شہزاد سیریز سے باہر ہوئے ہیں، میر حمزہ اور حسن علی کے پاس اچھا موقع ہے، آسٹریلیا کے تجربہ کار کھلاڑی ہیں اور ان کے پاس کوالٹی اٹیک ہے، بابر اعظم ایک اننگ سے کم بیک کرسکتے ہیں، امید ہے میلبرن میں بابر اچھی اننگز کھیل کر فارم واپس لائیں گے۔
