ڈونیڈن (سپورٹس ڈیسک ) پہلے ٹی ٹوئنٹی میں پاکستان ویمن ٹیم نے نیوزی لینڈ کو دھول چٹادی اورسات وکٹوں سے شکست دے کر تاریخ رقم کر دی۔ پاکستان ٹائم کے مطابق ڈونیڈن میں کھیلے گئے پہلے ٹی ٹوئنٹی میچ میں نیوزی لینڈ ویمنز نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 6 وکٹوں پر 127 رنز بنائے جبکہ قومی ویمنز نے 18.2 اوورز میں 3 وکٹوں کے نقصان پر مطلوبہ ہدف حاصل کر لیا۔ پاکستان کی جانب سے اوپنرشوال ذوالفقار نے 41 رنز کی شاندار اننگز کھیلی جبکہ فاطمہ ثنا نے 18 رنز دے کر 3 وکٹیں حاصل کیں۔ فاطمہ ثنا اپنی شاندار بالنگ کے سبب پلیئر آف دی میچ قرار پائیں۔
