شاہد آفریدی بابر اعظم کے لئے میدان میں آ گئے،بڑا بیان داغ دیا

کراچی(سپورٹس رپورٹر)پاکستان کرکٹ ٹیم کے سابق کپتان اور مایہ ناز آل راونڈر شاہد آفریدی قومی ٹیم کے کپتان بابر اعظم کے لئے میدان میں آ گئے،بڑا بیان داغتے ہوئے”بوم بوم آفریدی“کا کہنا ہے کہ آسٹریلیا کے دورے میں بابر اعظم کو ہی کپتان ہونا چاہیے،بھارت جو کر رہا ہے اسے کرنے دیں آپ اپنے معاملات پر توجہ دیں۔
”پاکستان ٹائم“کے مطابق شاہد آفریدی نے میڈیا سے گفتگو میں کہا کہ ورلڈ کپ میں پاکستانی ٹیم سے کافی امید تھی، ہمارے پاس اچھے کھلاڑی بھی تھے اور کنڈیشنز بھی،پاکستان نے صلاحیت کے مطابق کارکردگی نہیں دکھائی،ورلڈ کپ کے بعد ماحول اسی طرح کا ہوتا ہے،بڑے ایونٹ میں آپ کو پریشر لینا ہوتا ہے،آپ اتنی غلطیاں کریں گے تو پھر جیت نہیں سکتے،ورلڈ کپ میں جن ٹیموں نے اچھا کھیلا وہ اوپر ہیں۔شاہد آفریدی کا کہنا تھا کہ چیمپینز ٹرافی کے لیے ابھی کافی وقت ہے،بابر اعظم کو ہی دورہ آسٹریلیا میں کپتانی کرنا چاہیے،یہ دورہ پاکستان کے لیے اہم ہو گا،گراس روٹ کرکٹ پر کام کرنے کی ضرورت ہے۔

اس خبر پر اپنی رائے کا اظہار کریں

اپنا تبصرہ بھیجیں