بنگلور (سپورٹس ڈیسک ) معروف بھارتی صحافی وکرانت گپتا نے پاکستان کو ایک بار پھر سیمی فائنل تک پہنچنے کیلئے فیورٹ قرار دے دیا۔ پاکستان اور نیوزی لینڈ کے سنسنی خیز میچ سے متعلق اظہارِ خیال کرتے ہوئے مسٹر گپتاکاکہناتھا کہ نیوزی لینڈ کیخلاف پاکستان کی جیت بڑی جیت ہے جو پاکستان کو بہت خطرناک بناتی ہے، اب تک کی صورتحال کے مطابق ورلڈکپ پوائنٹس ٹیبل کے ٹاپ فور کی چوتھی ٹیم پاکستان ہوگی۔ وکرانت گپتا کا کہنا تھا کہ فخر زمان کی اننگز نے سعید انور کی یاد دلا دی، فخر زمان کو 100 کر کے اسے مزید بڑا کرنے کا تجربہ ہے، صورتحال کو دیکھیں تو میری نظر میں سیمی فائنل کی چوتھی ٹیم پاکستان ہے۔
