بنگلورو (سپورٹس ڈسیک)آئی سی سی ورلڈکپ میں پاکستان اور نیوزی لینڈ کے درمیان میچ سے قبل بارش کی پیش گوئی کر دی گئی۔
”پاکستان ٹائم “ کے مطابق بنگلورو کے ایم چناسوامی اسٹیڈیم میں 4 نومبر ہفتے کے روز کو پاکستان اور نیوزی آمنے سامنے ہونگی ، میچ سے قبل محکمہ موسمیات بارش کی پیش گوئی کردی ہے۔محکمہ موسمیات کے حکام نے کہا ہے کہ بنگلورو میں ہفتہ کے روز دن میں 75 سے 80 فیصد تک بارش کے امکانات ظاہر کیے گئے ہیں۔موجود صورتحال کے پیش نظر پاکستان کیلئے نیوزی لینڈ اور انگلینڈ کیخلاف دونوں میچز انتہائی اہم ہیں کیونکہ دونوں میں جیت کی ہی صورت میں پاکستان سیمی فائنل تک پہنچ پائے گا۔جبکہ پاکستان کو جیتنے کے علاوہ میچز اچھے مارجن سے بھی جیتنا ہونگے ، قومی ٹیم کو نیوز لینڈ کیخلاف 84 رنز یا پھر ہدف کو 35 اوورز میں مکمل کرنا ہو گا جس کے باعث رن ریٹ کی وجہ سے پاکستان نیوزی لینڈ سے آگے نکل کر ٹاپ 4 پر براجمان ہو جائے گا۔اگر میچ والے روز بارش ہوتی ہے اور واش آﺅٹ ہو جاتا ہے تو ایسے میں دونوں ٹیموں کو ایک ایک پوائنٹ دیا جائے گا تاہم اسکا اثر نیٹ رن ریٹ پر نہیں پڑے گا۔
