حیدرآباد(سپورٹس ڈیسک ) بھارتی میڈیا میں ورلڈ کپ کے آغاز پر ہی پاکستان ٹیم پر الزام تراشی شروع ہو گئی۔
نیدرلینڈز کے خلاف میچ میں باونڈری روپ کے اپنی جگہ سے ہٹنے کو تنازع بنانے کی کوشش شروع کر دی۔جب ڈچ سائیڈ ہدف کا تعاقب کر رہی تھی تو ایک طرف کی باونڈری روپ ایک فٹ سے زائد اپنی جگہ سے پیچھے ہٹی ہوئی تھی۔ دراصل دوران فیلڈنگ کسی پلیئر کے ڈائیو لگانے سے وہ پیچھے ہٹی ہو گی مگر اسے دوبارہ اپنی جگہ پر نہ لایا گیا کیونکہ وہاں پر کوئی بال بوائے یا آفیشل موجود نہیں تھا،نہ ہی فیلڈر کو اسے واپس اپنی جگہ لانے کا خیال آیا تا ہم بھارتی میڈیا میں یہ باتیں شروع ہو گئیں کہ کہیں پاکستانی کھلاڑیوں نے جان بوجھ کر تو اسے پیچھے نہیں کیا۔کرکٹ قوانین میں واضح ہے کہ اگر باونڈری روپ اپنی جگہ سے ہٹ بھی جائے تب بھی گیند اگر اصل باونڈری نشان کے پار لینڈ کرتی ہے تب بھی وہ چھکا ہی شمار ہو گا۔
یہ بھی پڑھیں:جنوبی افریقا نے سری لنکا کو بڑے مارجن سے شکست دے دی
