حیدر آ باد (سپورٹس ڈیسک ) آئی سی سی کرکٹ ورلڈکپ کے دوران بھارت کے دھرم شالہ کرکٹ سٹیڈیم کی آوٹ فیلڈ پر سوالیہ نشان اٹھ گئے۔
یہ بھی پڑھیں:جنوبی افریقا نے سری لنکا کو بڑے مارجن سے شکست دے دی
گزشتہ روز بنگلہ دیش اور افغانستان کے درمیان دھرم شالہ کرکٹ سٹیڈیم میں میچ ہوا،اس میچ میں افغان ٹیم حریف کیخلاف 37.2 اوورز میں محض 156 رنز بناکر آل آوٹ ہوگئی،انہوں نے بنگال ٹائیگرز کو 157 رنز کا ہدف دیا جس کو بنگلہ دیش نے باآسانی 4 وکٹوں کے نقصان پر 35 ویں اوور میں حاصل کر لیا۔میچ کے دوران بنگلہ دیشی بلے بازوں کے خلاف فیلڈنگ کے دوران افغان ٹیم کے پلئیرز متعدد بار گیند روکنے کی کوشش میں ڈائیو کرتے نظر آئے لیکن گروانڈ پاوں دھسنے کی وجہ سے عجیب انداز میں گر پڑے۔ افغان ٹیم مینجمنٹ نے شکوہ کیا کہ گراونڈ اگر ایسا رہا تو کھلاڑیوں کو انجریز بھی ہو سکتی ہیں جبکہ موجودہ صورتحال میں یہ وینیو بین الاقوامی کرکٹ کیلئے تیار نہیں ہے۔دوسری جانب افغان ٹیم کے ہیڈکوچ جوناتھن ٹروٹ نے کہا کہ گراونڈ کی حالت ایسی ہے کہ کھلاڑیوں کو سمجھ نہیں آرہی کہ وہ ڈائیو کریں یا نہ کریں،مجیب خوش قسمت تھے کہ وہ انجری سے بچ گئے۔انہوں نے کہا کہ ورلڈکپ افتتاحی میچ میں نیوزی لینڈ کے ڈیون کانوے بھی انجری سے بال بال بچے تھے،منتظمین کو چاہیے کہ گراونڈ کو پلئیرز کیلئے محفوظ بنائیں۔ واضح رہے کہ دو دن کے وقفے کے بعد دھرم شالہ میں اگلا میچ بنگلہ دیش اور انگلینڈ کے درمیان ہو گا جبکہ بھارت کا مقابلہ نیوزی لینڈ سے 22 اکتوبر کو ہو گا۔
