نئی دہلی (سپورٹس رپورٹر) سابق کرکٹرز نے ایک بار پھر ورلڈکپ میں پاکستان اور بھارت کے درمیان ورلڈکپ کا فائنل دیکھنے کی امید ظاہر کر دی۔
یہ بھی پڑھیں:وارم اپ میچ میں بیٹنگ اور باولنگ اچھی کی مگر۔۔۔۔ محمد رضوان نے اہم نشاندہی کر دی
آئی سی سی ورلڈکپ کے آفیشل براڈ کاسٹر سٹار سپورٹس کو دیئے گئے انٹرویو میں سابق ویسٹ انڈین اوپنر کرس گیل، لنکن سپنر مرلی دھرن اور بھارتی بیٹر دنیش کارتک میگا ایونٹ کے فائنل میں روایتی حریفوں کے درمیان فائنل کی پیشگوئی کردی ہے۔ کرس گیل نے کہا کہ امید ہے کہ یہ ہندوستان اور پاکستان کا فائنل ہوگا جبکہ مرلی دھرن کا کہنا تھا میں گرین شرٹس اور بھارتی سورماں کے درمیان مقابلہ دیکھنا پسند کروں گا۔ اسی طرح سابق بھارتی کرکٹر نے بھی پاک بھارت فائنل دیکھنے کی توقعات کا اظہار کیا۔دوسری جانب سابق پاکستان فاسٹ بولر اور ورلڈکپ کے کمنٹری پینل میں شامل وقار یونس نے فائنل کیلئے بھارت اور دفاعی چیمپئین انگلینڈ کو مضبوط امیدوار کے طور پر نامزد کیا۔ ورلڈکپ کا آغاز 5 اکتوبر سے انگلینڈ اور نیوزی لینڈ کے درمیان میچ سے ہو گا،ایونٹ میں قومی ٹیم اپنا پہلا میچ نیدر لینڈز کے خلاف 6 اکتوبر کو حیدر آباد میں کھیلے گی۔واضح رہے پاکستان اور بھارت کے درمیان میگا ایونٹ کا اہم معرکہ 14 اکتوبر کو احمد آباد میں کھیلا جائے گیا جبکہ ایونٹ کا فائنل 19 نومبر کو اسی گراونڈ میں شیڈول ہے۔
یہ بھی پڑھیں:ورلڈ کپ وارم اپ میچ میں نیوزی لینڈ نے پاکستان کو شکست دے دی
