کولمبو (سپورٹس ڈیسک )بھارت کے معروف کمنٹیٹر ہرشا بھوگلے نے پاکستانی فاسٹ بولر نسیم شاہ کی انجری کو پاکستان کیلئے بڑا نقصان قرار دیدیا۔
یہ بھی پڑھیں:کرکٹر نسیم شاہ کی صحت بارے انتہائی تشویش ناک خبر آ گئی
سماجی رابطے کی سائٹ ٹوئٹر(ایکس)پر معروف بھارتی کمنٹیٹر ہرشا بھوگلے نے ٹوئٹ کرتے ہوئے لکھا کہ لگتا ہے نسیم شاہ کے بارے میں خبر اس سے زیادہ خراب ہے جو لگ رہی تھی،اگر وہ اس سے محروم ہو گئے تو یہ گرین شرٹس کیلئے بہت بڑا نقصان ہو گا۔ایشیاکپ کے دوران روایتی حریف بھارت کے خلاف میچ میں نسیم شاہ میچ کے 46 ویں اوورز میں دائیں کندھے کی انجری کا شکار ہوئے تھے،جس کے باعث وہ اپنے مقررہ 10 اوورز کا کوٹہ پورا نہیں کر سکے تھے جبکہ اسی میچ میں بیٹنگ کیلئے بھی نہیں آئے تھے۔فاسٹ بولر کا دبئی میں مکمل چیک اپ کیا گیا،جس کی رپورٹ تسلی بخش نہیں آئی جبکہ انہیں سنجیدہ نوعیت کی انجری کا انکشاف ہوا ہے۔کرک انفو نے اپنی رپورٹ میں دعوی کیا تھا کہ انجری کے باعث فاسٹ بولر نسیم شاہ کے بھارت میں شیڈول ورلڈکپ سے باہر ہونے کا خدشہ ہے جبکہ وہ پاکستان سپر لیگ(پی ایس ایل)کے اگلے ایڈیشن سے بھی محروم ہو سکتے ہیں۔اطلاعات کے مطابق نسیم شاہ نہ صرف ورلڈکپ بلکہ کم ازکم 6 ماہ کے لیے کرکٹ سے دور ہو سکتے ہیں،قومی ٹیم کو میگا ایونٹ کیلئے ٹیم کا اعلان اگلے ہفتے تک کرنا ہو گا۔
یہ بھی پڑھیں:19ویں ایشین گیمز، 198 پاکستانی ایتھلیٹس 26 کھیلوں میں حصہ لیں گے
