کولمبو ( سپورٹس ڈیسک) پاکستان اور افغانسان کے خلاف کھیلے گئے دوسرے ون ڈے میچ کے بعد افغانی باولر فرید احمد، کپتان بابر اعظم اور امام الحق سے الجھ پڑے، افغانی ٹیم کے کوچز نے معذرت کی۔
ذرائع کے مطابق یہ واقعہ تب پیش آیا جب دوسرے ون ڈے میں میچ کے اختتام پر دونوں ٹیمیں مصافحے کیلئے ا?گے بڑھیں۔ اس دوران افغانی باو?لر فرید احمد نے قومی ٹیم کے کپتان بابر اعظم اور بلے باز امام الحق سے بد تمیزی کی اور نازیبا الفاظ کا استعمال بھی کیا۔افغانی باولر نے نازیبا الفاظ کا استعمال کرنے کے ساتھ ساتھ بابر اعظم اور امام الحق سے ہاتھ بھی نہ ملایا۔ تاہم بابر اعظم اور امام الحق نے فرید احمد کے اس رویے پر کوئی جواب نہیں دیا۔
بعد ازاں افغانستان کے آل راونڈر راشد خان اور محمد نبی نے بابر اور امام سے فرید احمد کے رویے پر معافی مانگی۔ صرف یہی نہیں افغانستان کے کوچز بھی بابر اعظم اور امام الحق سے اس رویے پر معذرت کرتے نظر آئے۔ذرائع کا کہنا ہے کہ افغانستان کے باولر کی بدتمیزی اور نازیبا الفاظ پر پاکستانی ٹیم مینجمنٹ نے سخت احتجاج کیا۔ ٹیم مینجمنٹ نے فرید احمد کے غلط رویے پر میچ ریفری سے شکایت بھی کی۔
