فلوریڈا (سپورٹس رپورٹر)یوایس ماسٹر ٹی 10 لیگ کے ایک اور میچ میں اٹلانٹا رائیڈرز کو کیلیفورنیا نائٹس نے پانچ رنز سے شکست دیدی۔ اٹلانٹا رائیڈرز کو آخری اوور میں جیت کے لئے 9 رنز درکار تھے تاہم تیز گیند بار عرفان پٹھان نے صرف 3 رنز دیئے اور ٹیم کو فتح دلادی۔
یہ بھی پڑھیں:نیو یارک واریئرز کی چوتھی فتح،پوائنٹس ٹیبل پر پہلی پوزیشن مستحکم
کیلیفورنیا نائٹس نے 10 اوورز میں 2 وکٹوں کے نقصان پر 94 رنز بنائے اور اٹلانٹا رائیڈرز کو 4 وکٹوں کے نقصان پر 89 رنز تک محدود کر دیا۔رابن اتھپا نے دو چوکے اور ایک چھکا لگا کر اٹلانٹا شاندار آغاز دلایا تاہم وہ دوسرے اوور میں 9 گیندوں پر 16 رنز بناکر پیٹر سڈل کے ہاتھوں آوٹ ہوگئے۔ اس کے بعد لینڈل سمنز اور ڈوین سمتھ نے 47 رنز کی شراکت قائم کرتے ہوئے رائیڈرز کا سکور 7.3 اوورز میں 2 وکٹوں کے نقصان پر 66 رنز تک پہنچا دیا۔اس سے قبل کیلیفورنیا نائٹس نے ٹاس جیت کر پہلے بیٹنگ کا فیصلہ کیا۔ امیلا اپونسو نے دوسرے اوور میں ایرون فنچ کو 4 گیندوں پر صرف 2 رنز پر آوٹ کیا تاہم ملند کمار نے اسی اوور میں چوکا اور چھکا لگا کر برتری حاصل کرلی۔ جیک کیلس نے تیسرے اوور میں قمرالاسلام کی گیند پر تین چوکے لگائے تاہم ملند پانچویں اوور میں 12 گیندوں پر 19 رنز بنا کر محمد عرفان کے ہاتھوں آوٹ ہوگئے جس سے کیلیفورنیا نائٹس کا سکور 42/2 ہو گیا۔ اس کے بعد جیک کیلس اور ریکارڈو پاول نے 52 رنز کی ناقابل شکست شراکت قائم کرتے ہوئے نائٹس کا سکور مقررہ 10 اوورز میں 2 وکٹوں کے نقصان پر 94 رنز تک پہنچا دیا۔ کیلس نے 27 گیندوں پر 38 اور پاول نے 18 گیندوں پر 33 رنز بنائے۔
