اسلام آباد(سپورٹس ڈیسک)پاکستان کرکٹ ٹیم کے بیٹر عبداللہ شفیق نے کہا ہے کہ بھارت کے خلاف میچ کے لیے تمام کھلاڑی پرجوش ہیں، میڈیا سے گفتگو کرتے ہوئے عبداللہ شفیق نے کہا کہ میرا آغاز اچھا نہیں رہا، اب فوکس پرفارمنس پر ہے، ریڈ بال میں اچھی پرفارمنس رہی ہے،عبداللہ شفیق نے کہا کہ بابر اعظم دنیا کے ٹاپ بیٹر ہیں، ان کی حوصلہ افزائی اچھی رہتی ہے، اس حوصلہ افزائی سے مزید اچھا کرنے کے لیے متحرک ہوتے ہیں، ہمارے پاس بہترین فاسٹ بالرز ہیں جس کا فائدہ ہوتا ہے، اچھے بالرز کو کھیلا ہو تو پھر دنیا کے بہترین بالرز کو کھیلنے میں آسانی ہوتی ہے،اوپننگ بیٹر نے کہا کہ وائٹ بال کرکٹ تبدیل ہو چکی ہے، ون ڈے میں 300رنز بن رہے ہیں اسی حکمت عملی کے ساتھ کھیل رہے ہیں، اتنے رنز بنانے کی کوشش کرتے ہیں کہ بالرز کو دفاع کرنے میں آسانی ہو، میں خود کو ہر وقت بہتر کرنے کی کوشش کرتا ہوں،قومی کرکٹر نے کہا کہ آنے والی سیریز اور ایونٹس میں بحیثیت ٹیم اچھا کرنے کا ٹارگٹ ہے، ناکامی سے انسان سیکھتا ہے اور میں بھی کوشش کر رہا ہوں کہ اچھے سے اچھا کروں۔
