لاہور ( سپورٹس ڈیسک) پاکستان کرکٹ بورڈ ( پی سی بی ) نے کرکٹ ورلڈ کپ 2023 کے میچز کے شیڈول میں تبدیلی پر رضامندی ظاہر کردی، نئے ش?ڈول کے مطابق پاکستان اور بھارت کا میچ15 کی بجائے 14 اکتوبر کو ہوگا۔
ذرائع کے مطابق ورلڈکپ 2023 میں پاکستان کے میچز ری شیڈول ہونے کے معاملے پر پی سی بی نے انٹرنیشنل کرکٹ کونسل ( آئی سی سی ) کی درخواست پر جواب دے دیا جبکہ آئی سی سی اور پی سی بی کے درمیان نئے شیڈول پر اتفاق بھی ہوگیا ہے۔
ذرائع نے بتایا کہ پی سی بی نے مشاورت مکمل کرنے بعد آئی سی سی کو مثبت پیغام دیا اور میچزکے شیڈول میں تبدیلی پر رضامندی ظاہر کی جس کے بعد پاکستان اور بھارت کا میچ پندرہ کی بجائے 14 اکتوبر کو ہوگا جبکہ پاکستان اور سری لنکا کا میچ بھی ری شیڈول کردیا گیا ہے۔
ذرائع کا کہنا تھا کہ پاکستان سری لنکا کیخلاف میچ 12 کی بجائے 10 اکتوبرکوکھیلے گا جبکہ پاکستان اور نیدرلینڈز کے درمیان میچ شیڈول کے مطابق 6 اکتوبر کو کھیلا جائےگا۔ذرائع کا مزید کہنا تھا کہ شیڈول کی تبدیلی میں صرف تاریخیں تبدیل ہوئی ہیں وینیوز وہی رہیں گے۔
