کراچی(سپورٹس رپورٹر)قومی کرکٹ ٹیم کے سابق کپتان اور عالمی شہرت یافتہ بلے باز انضمام الحق کا کہنا ہے کہ ورلڈکپ اور ایشیا کپ کے لیے پاکستان کی ٹیم فیورٹ ہے،انشاء اللہ ہم ورلڈکپ اور ایشیا کپ جیت کر آئیں گے۔
”پاکستان ٹائم“ کے مطابق میڈیا سے گفتگو میں انضمام الحق نے کہا کہ اگر پاکستان ٹیسٹ سیریز جیت گیا تو ٹیم کا حوصلہ بلند ہو گا ورلڈکپ اور ایشیا کپ کی اچھی تیاری ہو گی،ایمرجنگ میں صائم اور حارث کو بھیجنا اچھا فیصلہ ہے،یہ نوجوان جتنی کرکٹ کھیلیں گے تو ان کو فائدہ ہو گا،پاکستان اگر 300 پلس سکور کر لے تو بھارت کو دباو میں لا سکتے ہیں۔پشاور زلمی کے لیے جاری ٹرائل سے متعلق انضمام الحق کا کہنا تھا کہ ہم نے ٹرائل کا ایک دن مزید بڑھا دیا ہے،ہمیں ٹوٹل 20 لڑکے منتخب کرنے ہیں مگر جتنے لوگوں کی امید تھی اس سے بہت زیادہ لڑکے آ گئے،چھوٹے شہروں سے جو لڑکے آئے ان کا ٹیلنٹ دیکھ کر بہت حیران ہوا،بدین حیدرآباد کے لڑکوں کی تکنیک بہت اچھی ہے،کراچی میں ویسے اچھے بلے باز آتے ہیں لیکن اس بار فاسٹ بولرز بھی بہت ملے ہیں۔
