اسلام آباد(سپورٹس رپورٹر)وزارت خارجہ نے پاکستان والی بال ٹیم کو این او سی دینے سے انکارکردیا جس کی وجہ سے پاکستان والی بال ٹیم انٹرنیشنل ایونٹ میں شرکت سے محروم ہو گئی، اے وی سی چیلنج کپ 8سے 15جولائی تک تائی پے میں کھیلا جانا تھا۔
چیلنج کپ میں پاکستان ، آسٹریلیا، ویتنام کےساتھ گروپ ای میں تھا،ایونٹ میں عدم شرکت پر پاکستان والی بال فیڈریشن کو ایک کروڑ سے زاد نقصان کا سامنا ہے، انٹرنیشنل والی بال ایونٹ میں عدم شرکت پرپاکستان کو جرمانہ ہونے کا امکان ہے۔وزارت خارجہ نے تایوان میں کسی بھی سپورٹس ایونٹ میں پاکستان کوشرکت سے روک رکھا ہے۔
