ممبئی (سپورٹس ڈیسک)بھارتی کرکٹ ٹیم کے سابق کپتان سارو گنگولی کا کہنا ہے کہ رواں سال ورلڈکپ میں پاک بھارت میچ کے بہت چرچے ہیں، پاک بھارت میچ کا معیار اب کئی عرصے سے اچھا نہیں رہا۔
”پاکستان ٹائم ” کے مطابق بھارتی کرکٹ ٹیم کے سابق کپتان سارو گنگولی نے اپنے ایک بیان میں کہاکہ رواں سال ورلڈکپ میں پاک بھارت میچ کے بہت چرچے ہیں، پاک بھارت میچ کا معیار اب کئی عرصے سے اچھا نہیں رہا۔
انہوں نے کہا کہ بھارت، پاکستان کے خلاف کئی عرصے سے یک طرفہ میچ جیت رہا ہے، پاکستان نے ٹی ٹوئنٹی ورلڈکپ میں بھارت کوپہلی بار کسی عالمی کپ میں ہرایا۔
ساروگنگولی کا کہنا تھاکہ بھارت نے گزشتہ ٹی ٹوئنٹی ورلڈکپ میں اچھا کھیل پیش نہیں کیا، پاک بھارت میچ سے زیادہ بھارت اور آسٹریلیا کا میچ ورلڈکپ میں معیاری ہوگا۔
سابق کپتان نے کہا کہ پاکستان اچھی ٹیم ہے، ورلڈکپ میں پاکستان کے میچ بھی اچھے ہوں گے، پاکستان کے بیٹرز بیٹنگ کے لیے سازگار پچوں پراچھاکھیلتے ہیں۔
ان کا کہنا ہے کہ پاکستان کے فاسٹ بولربھی بیٹنگ کے لیے سازگارپچوں پراچھی بولنگ کراتے ہیں۔
