لاہور(سپورٹس ڈیسک)قومی ٹیم کے سابق لیجنڈز فاسٹ باولر اور سابق کپتان وسیم اکرم نے کہا ہے کہ 1992ءکے بعد قومی ٹیم رواں سال بھارت میں دوسری مرتبہ ون ڈے ورلڈکپ جیت سکتی ہے۔
”پاکستان ٹائم“ کے مطابق وسیم اکرم اس مشہور ٹیم کا حصہ تھے جس نے 1992 میں ایم سی جی میں پاکستان کو واحد ورلڈ کپ ٹائٹل جیتنے میں مدد کی تھی،لیجنڈری فاسٹ باولر کا کہنا ہے کہ پاکستان کے کھلاڑی فٹ اور فارم میں رہے تو گرین شرٹس اس سال ورلڈکپ جیت کر دوسری مرتبہ ٹرافی ملک لا سکتی ہے۔پاکستان کی قیادت نمبر 1 کے ون ڈے بلے باز بابر اعظم کر رہے ہیں اور ان کی مدد کے لیے کھلاڑیوں کا تجربہ کار گروپ ہے۔ محمد رضوان، امام الحق اور فخر زمان اہم بلے بازوں میں شامل ہوں گے، جب کہ پاکستان کے پاس زبردست فاسٹ باو?لنگ اٹیک شاہین ا?فریدی، حارث روف اور نسیم شاہ پر مشتمل ہے۔سابق کپتان نے کہا کہ پاکستان رواں برس ایک مرتبہ پھر ورلڈکپ جیت سکتا ہے ، ٹورنامنٹ کے دوران ٹیموں کو بھارت میں جن حالات کا سامنا کرنا پڑے گا وہ بھی ان کی سابق ٹیم کے حق میں ہوں گے۔ ہمارے پاس ایک اچھا پہلو ہے، ایک بہت اچھا ون ڈے سائیڈ ہے اور اس کی قیادت جدید دور کے عظیم کھلاڑیوں میں سے ایک بابر اعظم کر رہے ہیں۔انہوں نے بابر اعظم سے متعلق مزید کہا کہ جب تک وہ فٹ ہیں اور جب تک وہ پلان کے مطابق کھیلتے ہیں، ان کے پاس اس ورلڈ کپ میں اچھا پرفارم کرنے کا موقع ہوگا کیونکہ یہ برصغیر میں ہندوستان میں ہمارے طرز کے حالات میں کھیلا جاتا ہے۔خیال رہے کہ پاکستان نے 50 اوور کے ورلڈ کپ کے تازہ ترین ایڈیشن میں اپنے نو میں سے پانچ میچ جیتے، لیکن کمتر نیٹ رن ریٹ کی وجہ سے وہ 2019 ایونٹ کے سیمی فائنل کے لیے کوالیفائی کرنے سے بہت کم رہ گیا۔
