دبئی(سپورٹس رپورٹر)انٹرنیشنل کرکٹ کونسل (آئی سی سی) نے کرکٹ ورلڈکپ 2023کوالیفائر کے شیڈول کا اعلان کر دیا جس کے مطابق ویسٹ انڈیز،زمبابوے،نیدرلینڈز،نیپال اور یو ایس اے کی ٹیموں کو گروپ اے میں شامل کیا گیا ہے۔
گروپ بی میں سری لنکا،آئرلینڈ،سکاٹ لینڈ،عمان اور یو اے ای کو شامل کیا گیا ہے،دو بار کی فاتح ویسٹ انڈیز اور 1996کی چیمپئن سری لنکا کو آئندہ آئی سی سی مینز کرکٹ ورلڈ کپ کوالیفائر کے لیے مخالف گروپوں میں رکھا گیا ہے جو زمبابوے میں 18جون سے 9 جولائی کے درمیان ہوگا۔دوسری جانب آئی سی سی ورلڈکپ کیلئے براہ راست کوالیفائی کرنے والی ٹیموں میں پاکستان،بھارت،نیوزی لینڈ،انگلینڈ،بنگلہ دیش،جنوبی افریقہ،آسٹریلیا اور افغانستان شامل ہیں۔
