دبئی(سپورٹس ڈیسک)انٹرنیشنل کرکٹ کونسل(آئی سی سی)نے پلیئرزکی رینکنگ جاری کردی ،ٹی ٹوئنٹی بیٹرز کی رینکنگ میں بھارت کے سوریا کمار یادیو بدستور پہلے نمبر پر موجود ہیں جب کہ پاکستان کے محمد رضوان کا دوسرا اور کپتان بابراعظم کا تیسرا نمبر برقرار ہے،جنوبی افریقا کے رائیلی روسو پانچویں نمبر پر آگئے اور نیوزی لینڈ کے ڈیون کانوے چھٹے نمبر پر چلے گئے،ٹی ٹوئنٹی بیٹرز کی رینکنگ میں قومی کرکٹر افتخار احمد 10درجے ترقی کے بعد 44ویں نمبر پر آگئے،ٹی ٹوئنٹی بولرز کی رینکنگ میں افغانستان کے راشد خان کا پہلا نمبر برقرار ہے،قومی ٹیم کے اسٹار فاسٹ بولر حارث رﺅف 5درجے ترقی کے بعد 11نمبر پر موجود ہیں،پاکستان کے شاداب خان رینکنگ میں 13ویں نمبر پر موجود ہیں اور شاہین آفریدی ایک درجے ترقی کے بعد 15ویں نمبر پر آگئے،نیوزی لینڈ کے ایش سودھی پانچ درجے ترقی کے بعد 16ویں نمبر پر آگئے، ٹی ٹوئنٹی آل راﺅنڈرز میں بنگلادیش کے شکیب الحسن کا پہلا نمبر ہے،ٹیسٹ پلیئرز رینکنگ میں آسٹریلیاکے مارنس لبوشین کاپہلانمبربرقرار ہے، پاکستان کے بابراعظم رینکنگ میں پانچویں نمبر پر موجود ہیں، سری لنکاکے ریموتھ کرونارتنے ایک درجے ترقی کر کے نویں نمبر پرآگئے،سری لنکا کے دنیش چندیمل چار درجے ترقی کے بعد 14ویں نمبر پر آگئے،بولرز کی ٹیسٹ رینکنگ میں بھارت کے روی چندرن ایشون کا پہلا نمبر برقرار ہے، سری لنکا کے پرابتھ جے سوریا 13درجے ترقی کے بعد 19ویں نمبر پر آگئے،سری لنکا کے بولر
رمیش مینڈس 3 درجے ترقی کے بعد 32ویں نمبر پر آگئے،ٹیسٹ آل راﺅنڈرز میں بھارت کے رویندرا جڈیجا کا پہلا نمبر ہے۔
