مکی آرتھر کی قومی کرکٹ ٹیم سے ملاقات ، بابر اعظم سے مستقبل کی پلاننگ پر مشاورت

اسلام آباد(سپورٹس رپورٹر)قومی کرکٹ ٹیم کے ڈاریکٹر کوچنگ مکی آرتھر کی قومی کرکٹ ٹیم سے ملاقات،مکی آرتھر نے کپتان بابر اعظم سے بھی مستقبل کی پلاننگ پر مشاورت بھی کی۔
”پاکستان ٹائم“ کے مطابق پاکستان آمد کے بعد مکی آرتھر نے اسلام آباد میں نیوزی لینڈ کیخلاف سکواڈ میں شامل قومی کرکٹ ٹیم کے کھلاڑیوں سے ملاقات کی جس میں نیوزی لینڈ کیخلاف جاری سیریز پر کھلاڑیوں کی پرفارمنس پر بھی بات چیت کی گی۔قومی ٹیم کے ڈاریکٹر کوچنگ نے کھلاڑیوں کیساتھ مختلف سیشن کیے،مکی آرتھر نے مستقبل کی پلاننگ سے بھی کھلاڑیوں کو آگاہ کیا۔مکی آرتھر نجم سیٹھی سے بھی ملاقات کرینگےجس میں وہ اپنے معاملات کو حتمی شکل دینگے ۔