لاہور: (ویب ڈیسک) نجم سیٹھینے کہا ہے کہ اگر ایشیا کپ کے میچ بھارتگ تیسرے ملک میں کھیلا تو پائبرڈ ماڈل ورلڈکپ میں پاکستان کےلئے بھی ہوگا، بھارت سے کہہ دیا ہے کہ ہماری حکومت اور عوام ہمارے اس موقف کی تائید کرتی ہے، آپ نہیں آتے تو ہم وہاں کیسے جائیں۔
پاکستان کرکٹ بورڈ (پی سی بی) مینجمنٹ کمیٹی کے سربراہ نجم سیٹھی نے اپنے ایک بیان میں کہا ہے کہ پی سی بی کا دوٹوک موقف ہے کہ ہم ایشیا کپ کی میزبانی سے دستبردار نہیں ہوں گے، ایشیا کپ کےلئے جو فیصلہ ہوگا اس کے اثرات ورلڈکپ پر بھی پڑیں گے۔ انہوں نے کہا کہ ہماری طرف سے ریڈ لائن ہے، بھارت ایشیا کپ کھیلنے پاکستان آئے یا تیسرے ملک میں کھیلے، پاکستان کو ایشیا کپ کے بائیکاٹ پر ایک ارب کا نقصان ہوگا جب کہ ورلڈکپ میں بھارت جانے سے انکار پر آئی سی سی سے تعلقات متاثر ہونے کا خدشہ ہے لیکن بھارت کو دو ٹوک کہا ہے حکومت اگر پاکستان جا کر کھیلنے سے منع کر رہی ہے تو تحریری ثبوت دیں۔
