ممبئی (سپورٹس رپورٹر)انڈین پریمیئر لیگ (آئی پی ایل)کا آغاز ہو گیا ہوگا تاہم ایونٹ میں 5نئے قوانین متعارف کروائے جارہے ہیں،آئی پی ایل کے 16ویں سیزن کا افتتاحی میچ گزشتہ شام 7بجے شروع ہوا، ایونٹ میں کل 10 ٹیمیں ایک دوسرے کے مدمقابل آئیں گی جبکہ ٹورنامنٹ 2 مہینے تک جاری رہے گا،آئی پی ایل کے لیے متعارف کروائے گئے نئے قوانین میں پہلا قانون “امپیکٹ پلیئر” ہے جس کے تحت ٹیموں کو اجازت ہوگی کہ وہ کھیل کے دوران 14ویں اوور سے پہلے تک کھلاڑی کو شامل کرسکتی ہیں، جو متبادل پلئیر کی جگہ بیٹنگ، بالنگ اور فیلڈنگ کرسکتا ہے لیکن بطور کپتان ٹیم کی قیادت نہیں کرسکتا، کپتان ٹاس کے دوران اپنے امپیکٹ پلیئرز کا نام امپائر کو بتائے گا، جسے وہ میچ میں چن سکتا ہے،متعارف کرایا گیادوسرا قانون یہ ہے کہ اس سے پہلے ٹاس سے قبل دونوں ٹیموں کو ٹیم کا اعلان کرنا ہوتا تھا کیونکہ شیٹس میچ ریفری کو بھجوائی جاتی تھی تاہم اب کوئی ٹیم اپنی پلیئنگ الیون کا اعلان ٹاس کے بعد بھی کرسکتی ہے،تیسرے قانون کے تحت آئی پی ایل 2023کے سیزن میں وائیڈز اور نو بالز کے لیے بھی ڈی آر ایس لیا جاسکے گا، کھلاڑیوں کو فیلڈ امپائرز کے ذریعہ وائیڈ بال اور نو بال کالز کا جائزہ لینے کی اجازت ہوگی،چوتھے قانون کے تحت کوئی بھی بال کروائے جانے سے قبل ان فیئر مومنٹ یا (غیر منصفانہ حرکت)ہوتی ہے تو اسے ڈاٹ بال قرار دیا جائے گا جبکہ مخالف ٹیم کو 5 اضافی رنز بھی ملیں گے،پانچویں قانون کے تحت سلو اوور ریٹ پر جرمانے کی صورت میں 90منٹ کے دوران ٹیم کو 20اوورز مکمل کروانے ہونے گے تاخیر کی صورت میں مزید ایک پلئیر بانڈری لائن کے بجائے 30گز کے دائرے میں فیلڈنگ کرے گا۔
