ایک اور غیرملکی لڑکی نے اسلام قبول کرکے پاکستانی نوجوان سے شادی کرلی

سیالکوٹ(وقائع نگار خصوصی)ایک اور غیرملکی لڑکی نے اسلام قبول کرکے پاکستانی نوجوان سے شادی کرلی، یہ لڑکی بھارتی نژاد جرمن سکھی تھی جس نے اسلام قبول کرنے کے بعد اپنا نام زینب رکھا ۔ پاکستان ٹائم کے مطابق لدھیانہ سے تعلق رکھنے والی جسپریت کور نے علی ارسلان کے ساتھ نکاح کر لیا، انہوں نے نکاح سے قبل جامعہ حنفیہ سیالکوٹ میں سینئرپارلیمینٹرین حافظ صاحبزاہ حامد رضا کے ہاتھوں اسلام قبول کیا،دونوں کی دوستی اورپھر پہلی ملاقات بیرون ملک ہوئی تھی جس کے بعد علی ارسلان نے جسپریت کور کو پاکستان آنے کی دعوت دی جو اس نے قبول کرلی۔ بتایاگیا ہے کہ خاتون 16 جنوری کو مذہبی یاترا کے لئے پاکستان آئی تھیں اور پھر شادی کی ، انہیں 15 اپریل تک سنگل انٹری ویزا جاری کیا گیا تھا۔ بتایاگیاہے کہ لڑکی کے والدین بھارتی ہیں اور جرمنی میں مقیم ہیں۔