لاہور (کرائم رپورٹر) سیف الماری کی خریداری کے لیے ساتھی اہلکاروں سے رقم کا مطالبہ کرنے کے محرر کے خلاف تھانہ بھاٹی گیٹ میں مقدمہ درج کرکے اسے گرفتار کرلیاگیا، ایف آئی آر کے مطابق ملزم نے مختلف مقدمات کی تفتیش کے سلسلے میں آنےو الے سائلین کی وڈیو بنا کر تفتیشی افسران کو بلیک میل کرنا شروع کردیا تھا۔ تفصیلات کے مطابق تھانہ بھاٹی گیٹ کا انچارج انویسٹی گیشن کی مدعیت میں درج مقدمہ میں رشوت ستانی اور بلیک میلنگ کے الزامات لگائے گئے ، معین الیاس کی جانب سے درج کرائی گئی ایف آر کے مطابق محرر ہیڈکانسٹیبل عدنان سہیل سیف الماری کی خریداری کے لیے مختلف اہلکاروں سے رقم کا مطالبہ کررہا تھا، اندراج مقدمہ اور حوالات میں بند کیے جانے کے بعد ملزم کا موبائل فون پولیس نے قبضے میں لے لیا۔
